Joan den urtarrilaren 16an, Deusto Alumnik NOW Madrid berria antolatu zuen Deustuko Unibertsitateari atxikitako Voxel School-eko campuseko auditorioan. Oraingo honetan, topaketa bat izan zen Deusto Law Alumni-en eta Antonio Garamendi Espainiako Enpresaburuen Elkarteen Konfederazioko (CEOE) presidente eta gure Zuzenbide Fakultateko Alumni-aren (Zuzenbide Ekonomikoan lizentziatua. Prom.: 82) artean.
Alumni Now topaketen helburua da Deustuko Unibertsitatean ikasketak amaitu dituzten tituludunak elkartzea, inspiraziorako eta hausnarketako egungo gaien inguruan iritziak partekatzeko, konektatzeko eta giro lasai eta profesionalean gozatzeko. Deustuko Unibertsitateko ikasle ohiak eta DUko partaide direnak elkartzearen eta biltzearen aldeko apustua da.
Ekitaldiari Gema Tomas doktoreak eman zion hasiera, Zuzenbide Fakultateko dekanoak, eta Voxel Schooleko zuzendari nagusi José Cuestari eman zion hitza. Cuestak eskolaren inguruko sarrera labur bat egin zuen: sorrerako balioak Deustokoekin oso bat datozela azpimarratu zuen, eta erakundearen helburuaren garrantzia ere aipatu zuen: arte digitaletan ikasitakoen talentua industriaren gorenera eramatea.
Ondoren, dekanoak gonbidatuari eta Deusto Law Alumniko presidente David Fernández de Retanari eman zien hitza. Retanak eta Garamendik solasaldi lasaia izan zuten ehun bat Law Alumniren aurrean; tartean zen Deusto Alumniren zuzendari Jesús Riaño ere.
Elkarrizketan zehar, Antonio Garamendik Deustoko ikasle gisa eman zituen urteez hitz egin zuen, eta urte haietako baldintza ekonomiko eta soziopolitikoak gogoratu zituen, egindako bidea eta zuzendaritza posturaino iritsi arte izandako gorabeherak. Horrez gain, egungo gizarte, enpresa eta unibertsitate mailako egoeraz hausnartu zuen, baita Adimen Artifizialak maila horietan duen zereginari buruz ere.
Ekitaldia amaitzean, bertaratutakoak ondoko areto batera joan ziren networking-eko koktel batez gozatzera. Tarte horretan, Antonio Garamendi hizketan eta sortu ziren talde informaletako kide bakoitza agurtzen aritu zen.
