Joan den azaroaren 8an, Voxel School Arte Digitalen unibertsitate zentroaren campus berriaren inaugurazio ekitaldia egin zen Madrilen, eta, aldi berean, Deustuko Unibertsitateari atxiki zitzaiola jakinarazi zen. 2016an sortu zuten José Cuestak, Ignacio Martínez Salazarrek eta Jesús Hidalgok, eta masterrak eta master bikoitzak ematea du ardatz. Etapa berri honetan, lau gradurekin hasiko da: Bideojokoetarako arte digitala, Motion Design, Ikusizko efektuak eta Animazioa. Voxel School gure herrialderako PlayStation Zentro Ofizial bakarra da, Sony Computer Entertainment-ek nazioartean baliozkotua, eta Voxel School-ek akordio bat du Espainian unibertsitateko ikasketak emateko.
Voxel Schoolen sortzaileetako bat eta zuzendari nagusia den, José Cuestak, bertaratutakoei ongietorria eman eta zentroaren aipamen historiko labur bat egin ondoren, Helena Herrerori hitza eman zion, Europa Hegoalderako, Ekialde Hurbilerako eta Afrikarako (EMEA, ingelesezko sigletan) HPko presidenteari, bazkide teknologiko nagusienari. Industriako bazkide nagusi gisa, Jorge Huguet Rodríguezek, Sony Interactive Entertainment-eko Iberia, Mediterraneo, Adriatiko eta Balkanetako Marketin eta Zuzendari Nagusiak (IBAM, ingelesezko sigletan) eta Roberto Yeste Lópezek, Harreman Publiko/Esperientzia/Ziberkiroletako buruak (Esports) – Aliantzak/Influencers – PlayStation Iberia Negozio Berrien zuzendariek hitz egin zuten. Eta bazkide akademiko nagusi gisa, Deustuko Unibertsitatearen izenean, oraingo honetarako grabatutako bideo baten bidez, José María Guibert Ucín, S.J. errektoreak hartu zuen hitza. Amaitzeko, Madrilgo Erkidegoko presidente Isabel Díaz Ayusok inauguratutzat eman zuen campus berri hau.
José Cuestak, bere hitzetan hau azpimarratu zuen: “Voxel Schoolek funtsezko eragile izan nahi du ekonomia sortzailean, artearen, kulturaren, enpresaren eta teknologiaren arteko lotura izanik. Izan ere, artea artearen alde bultzatzeaz gain, beste sektore ekonomiko eta sozial batzuk berritzaileagoak eta sortzaileagoak izan daitezen lortu nahi da, eduki digitalen bidez berrikuntzarako dituzten gaitasunak akuilatuz eta katalizatuz. Ekonomia laranjaren eragile nagusia izan nahi dugu, giza sormenean, ideietan, teknologian, balio kulturaletan eta abarretan oinarritutako aukera ekonomiko eta sozialak sortuz”.
“HPk, STEAM talentuarekiko konpromiso irmoan eta gaming eskari handiko sektorearen aldeko apustuan, ekimen hori babestu nahi izan du, Espainian dagoen erreferentziazko ekosistema digital handiaren beste adibide bat baita”, HPko Helena Herrerok nabarmendu zuenez. Gaineratu zuen, Espainiak erreferentziazko zentro teknologikoa izateko behar den talentua duela, eta horregatik HPk bideojokoak sortzera bideratutako hainbat proiektutan parte hartzen duela, industria elektriko horren garapenean aurrera egiteko.
Deustuko errektoreak, José María Guibertek, eskerrak eman zizkion aliantza berri honetarako lan egin duen Deustuko Unibertsitateko taldeari —Eduardo Ruiz Vieytez eta Álex Rayón Jerez Unibertsitate Estrategiako eta Nazioarteko Harremanetako eta Eraldaketa Digitaleko errektoreordeei, hurrenez hurren, eta Asier Perallos Ruiz Ingeniaritza Fakultateko dekanoari—, eta adierazi zuen Madril Europa hegoaldeko jakintza-hub nagusietako bat dela, baita unibertsitate eta hezkuntza eskaintzaren eta talentua hornitzeko zentroaren foku handi bat ere, eta oso baldintza onak dituela laranja izeneko ekonomia garatzeko, berezko ekoizpen eredu batekin, ikerketarekin, zientziarekin eta teknologiarekin ez ezik, artearekin eta kulturarekin ere zerikusia duten jarduera ekonomikoetan, sormena elementu bereizgarria izanik.
Bestalde, Isabel Díaz Ayuso presentea poztu egin zen Espainiako sormen industrien aurrerapauso geldiezinaz eta Madrilgo Erkidegoak berrikuntzaren banderari jarraitzen dion guztiaren alde egindako apustuaz. Voxel School-ek arlo honetan gero eta handiagoa den eskaerari erantzun dio industriari lotutako irakasle onenak buru dituen proiektu batekin. Gainera, Madrilgo Erkidegoko presidenteak adierazi zuen etapa berri honetan Voxel Schoolek munduari irekitako hezkuntza eredu berritzaile baten ikuspegi humanista indartzen lagunduko duela.
