Ezkerretik eskuinera: Laura Gómez, Felipe Gómez, Eduardo Ruiz Vieytez, José María Guibert, Ana Otaduy, Gema Tomás eta Emilio Olabarría
Ekonomia Espezialitateak Zuzenbide Fakultatearen leloa errealitate bihurtzen du beste batek ez bezala: TRADIZIOA ETA BERRIKUNTZA. Gaur bezalako egunetan primeran ulertzen ditugun bi hitz dira. Ez dira kartel batean jartzen ditugun esaldi eginak, ez dira publizitate eslogan bat, benetan garenari erantzuten diote. Bi hitz horiek gure DNAn daramatzagu.
Eta ez diogu sekula berritzeari uzten. Hori dela eta, Ekonomia Espezialitatearen eredu arrakastatsuari jarraituz, Zuzenbideko Graduaren osagarri diren beste espezialitate batzuk sortzen jarraitu dugu, hala nola, teknologiaren munduko IKT Espezialitatea (IKT espezialitatea), baita konpetentzietan oinarritutako Skills for International Lawyers ere, Ekonomia Espezialitateko ikasle askok prestakuntza osagarri gisa hartzen dutena.
Joan den martxoaren 25ean, Zuzenbide Ekonomikoko ikasketak sortu zireneko 75. urteurrena ospatu zen Deustuko Unibertsitatean. 1886an ibilbideari hasiera eman zionetik, Unibertsitateak Zuzenbide, Filosofia eta Teologiako ikasketak eman ditu. Hirurogei urte geroago, eta Bigarren Mundu Gerra amaitu eta urtebetera, euskal eta espainiar ekonomiaren hedapenak eraginda, ekonomia arloko ezagutzen premia sortu zen. Deustuko Unibertsitateak, 20 ikaslerekin, berezko diploma gisa ezarri zuen espezialitatea, ekonomia arlotik hasi eta lege-ikasketetako prestakuntza-osagarri gisa, eta gaur egun juristen artean ospetsuena eta eskaerarik handiena duenetako bat da. Ikasgeletan emakumeak sartzeak 1960ko hamarkadara arte itxaron behar izan zuen, eta 1980ko hamarkadan 200 ikasle izatera iritsi zen.
Gema Tomás Martínez doktore eta Zuzenbide Fakultateko dekanoak eman zion hasiera ekitaldiari, han zirenei eta online zeudenei agur eginez. Titulazioaren historia labur bat eginez, adierazi zuen Ekonomia Espezialitateak Zuzenbide Fakultatearen leloa errealitate bihurtzen duela beste ezerk ez bezala: “TRADIZIOA ETA BERRIKUNTZA. Gaur bezalako egunetan primeran ulertzen ditugun bi hitz dira. Ez dira kartel batean jartzen ditugun esaldi eginak, ez dira publizitate eslogan bat, benetan garenari erantzuten diote. Bi hitz horiek gure DNAn daramatzagu.
Eta ez diogu sekula berritzeari uzten. Hori dela eta, Ekonomia Espezialitatearen eredu arrakastatsuari jarraituz, Zuzenbideko Graduaren osagarri diren beste espezialitate batzuk sortzen jarraitu dugu, hala nola, teknologiaren munduko IKT Espezialitatea (IKT espezialitatea), baita konpetentzietan oinarritutako Skills for International Lawyers ere, Ekonomia Espezialitateko ikasle askok prestakuntza osagarri gisa hartzen dutena”.
Fakultatearen izenean klaustrokideei eskerrak eman zizkien: historian zehar koordinatu dutenei (Alejandro Martínez Charterina irakasleari, Aitziber Mugarra irakasleari, Laura Gómez Urquijo irakasleari eta Javier San José irakasleari); unibertsitateko zuzendaritzari, laguntzagatik; ikasleei eta ikasle ohiei; eta Espezialitatearekin lankidetzan diharduten entitate eta enpresei. Segidan, Laura Gomez Urquijo doktoreari eman zion hitza, “EU Economic and Legal integration for People” Jean Monnet Katedraren titular eta katedradunari eta gaur egun Ekonomia Espezialitateko koordinatzaileari.
Gómez doktoreak azpimarratu zuen graduak, urteetan zehar, 1946tik gaur egunera arte izandako aldaketa sakonetara egokitzeko gaitasuna izan duela. Malgutasun horrekin, Ekonomia Espezialitatea beti joan da zuzenbide ikasketen ondoan eta agian horregatik, ikuspegi humanistari, desberdintasun ekonomikoei, enpresa etikari edo gizarte ekonomiari erreparatu die eta nortasunaren ezaugarri bihurtu ditu.
Horren guztiaren atzean, profil mistoko irakasle taldea dago, enpresan eguneroko esperientzia eta ekonomia arloko ikerkuntza uztartzen dituena eta gradurako oso aberasgarri dela uste duguna.
Jarraian, bideo labur bat aurkeztu zen. Bertan jaso ziren hainbat eta hainbat esperientzia espezialitatea zer den laburtzen zutenak egungo ikasleentzat, ikasle ohientzat eta irakasleentzat.
Tomás dekanoak hitzaldiari berriro ekin zion ospakizunaren aitabitxia laburki aurkezteko: José Manuel Albares Bueno jauna, Kanpo Arazoetako, Europar Batasunerako eta Lankidetzarako ministroa, Deustuko ikasle ohia eta Ekonomia Zuzenbidean titulatua. Hark errektoreari eman zion hitza, hark ministroa agurtu eta aurkezten zuen.
Ministroak Deusturi esker ona erakutsi zion eta Zuzenbide Ekonomikoko graduari bere balioa aitortu. Nazioarteko ordena berrian gertatu den aldaketa sakona aipatu ondoren (eraldatzen ari den mundu-ordena), azaldu zuen hasi dela igartzen elkartasuna, alde anitzeko laguntza eta garapenerako lankidetza. Jarraian hitz egin zuen Errusiak Ukrainaren legez kanpoko inbasio bidegabe eta justifikatu gabeak Espainiaren eta Europar Batasunaren kanpo-politikari ekarri dizkion erronkez, eta adierazi zuen gaur egun ahalegin guztiak basakeria hori gelditzera bideratuta daudela. Espainiaren mezua, zentzu horretan, argia da: “Ukrainako subiranotasuna babestea”, “zigorrak babestea eta Ukrainako herri demokratikoarekiko elkartasuna”. Albaresen ustez, krisi honetan gure balio demokratikoak daude jokoan, mehatxatuta daude eta horrek matxinatu du herria.
Albares ministroaren hitzen ostean, Felipe Gómez Isa Zuzenbide Fakultateko Nazioarteko Harremanetako dekanordeak hartu zuen hitza, eta Ukrainaren inbasioaren ondorioei buruzko eztabaida izan zuen galderen tartean bi ikasle ohirekin: Irati Martínez Arrizabalaga Hach-eko Espainia eta Portugalgo Salmenta zuzendariarekin eta Ignacio Casas Muro Bilbao Air-eko zuzendariarekin.
Ekitaldiari amaiera emateko Errektorearen azken hitzak mundua eraldatzeko prestakuntzari buruzkoak izan ziren.
