Zazpigarren edizioan, aurrekoetan bezala, Deusto Lawyers 2023 programak aukera eman du topaketa egiteko Zuzenbide Fakultateko azken urteetako ehun eta hirurogei bat ikasleren eta Deusto Law Alumniko hogeita hamar bat kideren artean. Alumni horiek hamabost abokatu bulegotan daude jardunean eta unibertsitatera itzuli dira ikasle direnak etorkizunerantz gidatzeko.
Deustuko Unibertsitateko CRAI Liburutegiko Atarian egin zen ekitaldia, Zuzenbide Fakultateak eta Deusto Alumni – Deusto Law Alumnik antolatuta. Gema Tomás Fakultateko dekanoak eta Pedro del Rosal El Confidencial egunkari digitaleko atal juridikoko arduradunak inauguratu zuten. Komunikabide horren arabera, Universidades y Despachos 2023 txostenaren egilea da, Deustuko Unibertsitatea, bai graduan bai masterrean, bufete handiek gehien eskatzen dituzten unibertsitate zentroen rankingetako Top 15ean dago, abokatutzako etorkizuneko profesionalak hautatzeko. Deusto Alumniren aldetik, bertako zuzendari Jesús Riañok parte hartu zuen; Deusto Law Alumnitik David Fernández de Retanak, eta Fakultatetik, dekanoaz gain, Ana Isabel Herrán dekanordeak eta Eba Gaminde eta María Nagore irakasleek.
Inaugurazioaren ondoren, beste hainbeste enpresatako hamahiru legelarik parte hartu zuten egin ziren bi elkarrizketa mahaietan: “Lanbidean jarduteko sarbidea: topaketa abokatu juniorrekin” eta “Adimen artifizial sortzailea: abokatutzaren oraina eta etorkizuna”.
1. mahaia: Lanbidean jarduteko sarbidea: topaketa abokatu juniorrekin
Panelistak: Josu González Arrasate (Uría Menéndez), Elene Gangoiti Urrutia (Gómez-Acebo & Pombo), Sandra Albarrán García (Lawesome), Arrate Costela Cobreros (EY), Carmen Urtasun Rezusta (LKS Next Legal), Ane Corrales Rodríguez (Pérez-Llorca) eta Aroa Gaawan Bilbao (KPMG).
Aurkezleak: Mikel Llona Allende eta Elena García Muñoz
Moderatzaileak: Marta Cadenas Sesma eta Ane Zabala Sánchez
Publikoaren galderak: Amale Ezkur Achabal eta Estibaliz Sánchez Ramos
Zazpi panelistek aurkezpen laburra egin ondoren, moderatzaileek lanbidean sartzeari buruzko galderak egin zituzten.
Hona hemen, panelisten aipu batzuk:
- Zuzenbideak aukera ematen dizu gaurkotasuneko gaietan egunean egoteko. (Ane Corrales)
Zein da bulego batean lana eskatzen hasteko unea?
- Beti izan behar da aukerak bilatzeko kezka (Josu González)
- Pentsatzeko hartzen duzuen denbora ez da denbora galdua (Arrate Costela)
- Ez zaitezte mugatu ezarritako praktikaldietara (Carmen Urtasun)
- Espedientea ez da dena (Arrate Costela)
- Bulegoetan profil espezializatuak behar dira (Carmen Urtasun)
Oposaketak egin?
- Oposaketak egiteko ere bokazioa izan behar duzu (Ana Gaawan)
- Erantzukizunak hartzeko beldurrik ez izan (Ane Corrales)
2. mahaia: Adimen Artifizial Sortzailea: Abokatutzaren oraina eta etorkizuna
Panelistak: Martí Rius Coma (Garrigues), Javier Díaz Fernández (Cuatrecasas), Aitzol Asla Uribe (IparBilbao), Ibone Duñabeitia Lekube (Deloitte Legal), David Fuentes Lahoz (Bird & Bird) eta Iñaki Berriozabal Solana (BSK Legal & Fiscal).
Aurkezleak: Mikel Llona Allende eta Elena García Muñoz
Moderatzaileak: Asier Esandi Etxebarria eta Natalia López-Cano Cucalón
Publikoaren galderak: María González Vicente eta Borja de la Rica Pérez
Eskema berari jarraituz, aurkezpenaren ondoren panelistek beren hausnarketak egin zituzten adimen artifizial sortzaileari buruz eta abokatutzan duen eraginari buruz:
Bulegoek aurre egin beharreko erronkak
- Erronka nagusia da tresna (adimen artifiziala) horiek nola egokitu gure egunerokoan (Martí Rius)
- Adimen artifizial sortzailea: Diru-sarreren % 3-5 mota horretako (AA) proiektuetara bideratzen dira. Arreta berezia: Nola babestu bezeroaren informazioa (Javier Díaz)
- Teknologia honen inplementazioan eta erabileran oso arduratsuak izan (Aitzol Asla)
- Deloitten, gure lanerako ez ezik, gure bezeroei digitalizatzen laguntzeko ere aukera paregabea dela ikusten dugu (Ibone Duñabeitia).
- AAz ari garenean, arriskuez hitz egiten dugu, baina, erabilgarritasuna aipatu behar da bereziki (David Fuentes)
- AAk aukera ematen du dokumentuak erabateko fidagarritasunez berrikusteko (Martí Rius)
- AA oso ona da eskaerei edo kontratuei buruzko ideiak ematen (Javier Díaz)
- Rol berriak agertuko dira bulegoetan. AAk ez gaitu argiagoak bihurtzen, baina bai arinagoak (David Fuentes)
- Zenbat eta digitalizazio handiagoa, orduan eta AAren garapen handiagoa bulegoetan (Iñaki Berriozabal)
- Teknologiaz arduratzen diren 40 pertsonako lantaldea dugu (Ibone Duñabeitia)
- Garrantzitsua da AAren erabilera erregulatzea (Iñaki Berriozabal)
Azken balorazioa: Adimen artifiziala bulegoetan
- Erronka asko daude AA (Martí Rius) tresnen erabilerari lotuta
- (Ikasleei hitz eginez): AA zer den eta nola erabili jakiteko ardura izan ezazue (Aitzol Asla)
Elkarrizketa mahaiak amaitu ondoren, Barrilero eta PwC-ko ordezkariek bat egin zuten paneletan parte hartu zuten hamahiru bulegoetako ordezkariekin, eta guztiek hartu zituzten standak Atrioan bertan, ikasleekin lasai eta zuzenean hitz egiteko aukera izateko. Bilera horien ondoren, amaitutzat eman zen ekitaldia.
