Mundu osoan daude ikerketarako aukerak, baina dentsitate handiagoa dago toki batzuetan, adibidez Estatu Batuetan. Hortxe dago aldea: han finantzaketa aukerak handiagoak dira, errazagoa da erreferentziazko enpresen eta unibertsitateen arteko lankidetzak ezartzea, eta puntako ikerketa asko bertan gertatzen dira.
Zorionak zure karrera akademiko eta profesional bikainagatik! Ikertzaile aritu zara Bilboko eta Donostiako laborategietan, unibertsitateetan edo konpainietan, baita Suedian, San Frantziskon (Kalifornia), Hustonen (Texas), Richlanden (Washington), Lahoren (India) eta, gaur egun, Mountain Viewen (Kalifornia) zaude. Asko mugitu zara hamalau urtean Europa, Asia eta Estatu Batuetako erakundeekin elkarlanean. Kontatuko zeniguke nola lotu dituzun helmuga desberdinak eta zein diren hiru polo zientifiko horien arteko desberdintasun nagusiak?
Nire lanagatik atzerrira joateko lehen aukera Suediako Ume Unibertsitateko lankidetza baten bidez iritsi zitzaidan 2014an. Hiru hilabete eman nituen bertan, workshop batera joan eta cloud computing arloko hainbat laguntzaile ezagutzeko aukera izan nuen. Hemendik aurrera, argi izan nuen aukera gehiago aztertu nahi nituela, bereziki Estatu Batuetan. 2015ean, bi internships egin nituen San Frantziskon (Kalifornia), VMware eta HP Labs-en. Bi aukera horiek lortzeko, eskaera online egin nuen konpainien webgunearen bidez. 2017an, beste unibertsitate batean egonaldia egiteko aukera aztertu nahi nuen. Kolaboratzaile baten bidez, Houstongo Riceko Unibertsitatean hiru hilabeteko egonaldia egiteko aukera izan nuen, eta urte osora luzatu genuen. Gero Bilbora itzuli nintzen tesia defendatzera, eta bitartean doktoratu ondoko aukerak bilatzen aritu nintzen, batez ere career fair bat zuten hitzaldietara joanez. Urte eta erdi eman nuen doktoretza ondokoa egiten Pacific Northwest National Lab-en, Richlandeko (Washington) laborategi nazionaletako batean. Beste behin ere, konferentzien eta kontaktuen career fairetara jo nuen enpresako ikerketa-aukerak aztertzeko, eta horrela amaitu nuen Microsoften, gaur egun nagoen tokian.
Mundu osoan daude ikerketarako aukerak, baina dentsitate handiagoa dago toki batzuetan, adibidez Estatu Batuetan. Hortxe dago aldea: han finantzaketa aukerak handiagoak dira, errazagoa da erreferentziazko enpresen eta unibertsitateen arteko lankidetzak ezartzea, eta puntako ikerketa asko bertan gertatzen dira.
Kontatuko diguzu labur-labur, zein den zure egungo proiektuaren (Brainwave) edukia?
Gaur egun Microsoften Adimen artifiziala (AI) eta Arkitektura Aurreratuen taldeko kide naiz. Lan egiten dudan proiektua ekimen handiago baten parte da: AI kargak exekutatzen espezializatutako superkonputagailu bat sortzea.
Asko gustatzen zait Machine Learning eta Sistemen artean sortzen ari den eremu bat, hau da, nola erabil daitezkeen machine learningedo deep learning teknikak “software” eta “hardware” sistemetan arazoak konpontzeko. Ildo horretan, gai interesgarriak landu ditut, hala nola reinforcement learning (errefortzu bidezko ikaskuntza) erabiltzea agente adimentsu bat sortzeko, zeinak bere kabuz ikasten baitu, data center horietan hainbat atazen exekuzioa optimizatzeko.
Zer gomendatuko zenieke karrera profesionala ikerketaren esparruan bideratu nahi duten Deustuko Unibertsitateko Alumniei?
Lehen aholku gisa, atzerrira joatea gomendatuko nizueke. Beste herrialde batzuetan master edo doktoretza egiteak ate asko irekitzen ditu. Aukera ona da, halaber, praktika batzuk egitea enpresan edo ikerketa laborategian, «Internship» izenekoan. Praktika horiek ondo ordainduta daude, eta laborategiak zu ezagutzea eta aurrerago lanaldi osoko lan baterako ateak irekitzea ahalbidetzen dute.
Bigarren aholkua, lankidetza onak ezartzea. Hau hitzaldietara, workshopetara joanez egin daiteke, baina baita unibertsitate batean zure lanari buruzko hitzaldi bat eskainiz ere. Beren intereseko gairen bat lantzen duten ikertzaileekin ere jar daitezke harremanetan, eta nolabaiteko lankidetza proposa dezakete.
Zure etorkizunerako onena opa dizugu, baina, aurretik, zer partekatu nahiko zenuke gurekin Deustuko ikasle eta ikertzaile gisa egin dituzun urteetan?
Deustuko urteetan egin ditudan lagunak dira onena.
